എന്റെ കാക്കേ...!!!!!!!!!
നീയെന്തു പൊട്ടനാ ...!!!!!
ഈ തെങ്ങോലത്തുമ്പില് ഇട്ടു ഉരച്ചാല് എങ്ങനാ കൊക്കിന്റെ മൂര്ച്ച കൂടുന്നേ ..!!!
മണ്ടന് കാക്ക !!! ഹഹഹഹഹ !!!!!
"ക്രീ..... ക്രീ..... ക്രീ..... "
ന്റെ ഭഗവതീ.. എന്തായീ കുരുത്തം കെട്ട ഒച്ചപ്പാട് ...
നോക്കുമ്പോ അപ്പറത്ത് അപ്പുനായരുടെ പറമ്പില്ന്നു റോഡ് ക്രോസ് ചെയ്തു അന്തസ്സായി പറന്നു വരുന്നു ഒരു മഞ്ഞക്കരുപ്പന്
താഴെ മുറ്റത്ത് കൃഷ്ണക്രാന്തി യുടെ ചോട്ടിലിരുന്ന ചെമ്പോത്ത് ഞെട്ടിത്തരിച്ചു മേലോട്ട് നോക്കി . അപ്പറത്തെ ഇടവഴീല് ഇലക്ട്രിക് ലയ്ന് ന്റെ മേലെ ഇരുന്ന രണ്ടു പൊന്മാന് ദമ്പതിമാര് ദൂരേയ്ക്ക് പറന്നു പോയി.
ആകാശത്തേക്ക് നോക്കിയപ്പോ ടവര് ലയ്ന് ന്റെ മേലെ ഒരു കാക്കക്കുയില് ഒറ്റക്കിരുന്നു വാന നിരീക്ഷണം നടത്തുന്നുണ്ട് .
അച്ഛന് എപ്പഴും വെട്ടിക്കളയണം ന്നു പറയാറുള്ള ,കിണറിനടുത്തുള്ള, പേരറിയാ മരത്തിന്റെ മേലെ മൂന്നാല് പനംതത്തകള് കലപില കൂട്ടിക്കൊണ്ടിരിക്കുന്നു.
പോരാത്തേന് രാവിലെതന്നെ കുളിചൊരുങ്ങി ഒരു സുന്ദരി മഞ്ഞക്കിളി ഗമയില് ഇരിക്കുന്നുണ്ട് .
എന്താ ഒരു (അഹം) ഭാവം!!!!
പെട്ടെന്നൊരു ശബ്ദം.."ഡോയ്"
താഴെ റോഡില് നിന്നാണ്.
നോക്കിയപ്പോ ധനേഷും രമ്യ ചേച്ചിയും അനുവും കൂടി അമ്പലത്തില് പോവുന്നു.
പണ്ട് ഞങ്ങള് എല്ലാരും കൂടി എന്നും പോവാറുണ്ടായിരുന്നു അമ്പലത്തില്...
ശീലങ്ങളൊക്കെ ശീലക്കേടുകളായി മാറുന്നത് മുതിര്ന്നു വരുമ്പോഴാണല്ലോ... ദൈവം എല്ലായിടത്തും ഉണ്ടല്ലോ എന്നോര്ത്ത് തുടര്ച്ചയായി സമാധാനിക്കുകയും
ഓണത്തിനും സംക്രാന്തിക്കും മാത്രം അമ്പലം കാണാന് പോവുകേം ചെയ്യുന്ന ശീലം മാറ്റാനെ പറ്റണില്ല ഇപ്പൊ .
'ഇവളേതാ.. ??? നേരെയിങ്ങു കേറി വന്നു കണ്ട കാക്കെനേം പൂചെനേം പറ്റി പറയണൂ" എന്നല്ലേ ആലോചിക്കണേ..?
അങ്ങനൊന്നും ഇല്ല്യാ,ട്ടോ...
നമ്മളൊരു പാവം കോഴിക്കോട്ടുകാരി .. ഈ വഴി പോയപ്പോ ,ഇവിടെ കൊറേ പുലികളെയൊക്കെ കണ്ടപ്പോ നല്ല രസം തോന്നി . പണ്ട് മുതല്ക്കേ പുലികളെ വല്ല്യ ഇഷ്ടാന്നേ.... .
ഇന്ട്രോ കഴിഞ്ഞു .ഇനി ഫസ്റ്റ് സീന് ലേക്ക് വീണ്ടും ഒന്ന് കഴുത്തൊടിച്ചു നോക്കാം .
രാവിലെ അത്യുല്സാഹത്തോടെ എണീറ്റ് പഠിക്കാനിരുന്ന അതി കര്മ്മനിരതയായ ഒരു എകാഗ്ര മനസ്കയുടെ കണ്ണിലൂടെ കടന്നു പോയ പ്രകൃതിയുടെ മനോഹരവിലാസങ്ങലാണ് നമ്മള് അവിടെ കണ്ടത് ..!!
പടച്ചോനെ ഇത്രത്തോളം ജന്തുജാലങ്ങള് എന്റെ പരംബിലുണ്ടായിരുന്നോ എന്ന് ചിന്തിച്ചു പോവുന്നത് ബുക്ക് തുറന്നു സൈറൌടില് ഇരിക്കുമ്പോഴാണ്.
+2 നു പഠിക്കുമ്പോ ജ്യോത്സ്ന മിസ്സ് പറഞ്ഞ 'പരിസരം എപ്പഴും നിരീക്ഷിക്കണം ' എന്ന പാഠം പ്രാവര്ത്തികമാക്കപെടുന്നത് ഇത്തരം സന്ദര്ഭങ്ങളിലാണ്.
തെങ്ങാക്കൊലകള് ഇളം കാറ്റില് ആടുന്നുണ്ടോ ന്നും തെക്ക് ഭാഗത്തുള്ള പ്ലാവിലെ ചക്ക പഴുത്തിട്ടുണ്ടോന്നും ഒക്കെ വല്ലാത്ത ഒരു ആക്രാന്തത്തോടെ നോക്കിപോവും.!!!!
കണ്ണ് എടുക്കാനേ തോന്നില്ല..
( എടുത്ത കണ്ണ് പ്രതിഷ്ടിക്കേണ്ടത് ബുക്കില് കോലം കേട്ട് ചിരിചോണ്ടിരിക്കുന്ന സര്ക്യൂട്ട് കളുടെ മുഖത്തേക് ആണല്ലോ ന്നോര്ക്കുമ്പോ പ്രത്യേകിച്ചും!!!!! )
അങ്ങനെ മുന്നിലൊരു ബുക്കും വെച്ച് പ്രകൃതിഭംഗി ആസ്വദിചോണ്ട് ഇരിക്കുമ്പോ ആണ് അവനെ കണ്ടത്..
നല്ല കറുത്തു, നല്ല ലക്ഷണം കെട്ട ഒരു കാക്ക.
കൊറേ നേരമായി അത് അവിടെത്തന്നെ ഉണ്ടായിരുന്നിരിക്കണം
കുറ്റിയടിച്ച് ഇരിപ്പാണ്.
പാവം.. വിശന്നിട്ടാവും..
പണ്ടുമുതലേ ഇത്യാദി ജന്തുക്കളോട് ഭയങ്കര ദീനാനുകമ്പ കാണിച്ചു വന്നിട്ടുള്ളതുകൊണ്ട് ഇമ്മാതിരി സംഭവങ്ങള് വീട്ടില് ധാരാളമായി പറന്നു വരുന്ന സമയത്ത് അമ്മ എന്നെ പ്രത്യേകം ശ്രദ്ധിക്കാറുണ്ട്..
"കണ്ണ് തെറ്റിയാല് മനുഷ്യര്ക്ക് തിന്നാനുള്ളതൊക്കെ എടുത്തു പട്ടിക്കും പൂച്ചക്കും കൊടുക്കും" എന്നാണു സ്ഥിരം പരാതി. ആ പരാതിക്ക് ഒരു കോട്ടവും വരുത്താതെ ഇത് വരെ സംരക്ഷിച്ചു പോന്നിട്ടുണ്ട് ഞാന്
എന്തായാലും വേണ്ടില്ല . അതിന്റെ വിശപ്പ് മാറ്റിയിട്ടു തന്നെ കാര്യം .
.സന്തോഷിപ്പിച്ചു വിട്ടു കളയാം. ഇനിയിപ്പം മുതുമുത്തച്ഛന്മാര് ആരെങ്കിലും എന്നെ പരീക്ഷിക്കാന് പ്രച്ഛന്ന വെഷോം കെട്ടി ഇറങ്ങിയതാണെലോ .. ??
ചുളുവിനു കിട്ടും, കൊറേ അനുഗ്രഹം...
അങ്ങനെ ആലോചിച് സ്വയം ധന്യയായി ഞാന് താഴേക്കിറങ്ങി.
അടുക്കള രാജ്യത്ത് പ്രവേശിച്ചു. അമ്മ റാണി ചപ്പാത്തി ചുട്ടു കഴിഞ്ഞിട്ടുണ്ട്. നല്ലോണം വിശക്കുന്നുണ്ട്.. ന്നാലും വേണ്ടില്ല.
ആദ്യം ജന്തുജാലങ്ങളുടെ വിശപ്പ് മാറട്ടെ എന്നിങ്ങനെ വിശാലമനസ്കയായിക്കൊണ്ട് ഞാന് പ്ലേറ്റ്ല് നാല് ചപ്പാത്തിയും എടുത്തോണ്ട് മുകളിലോട്ടു പോയി. സിററൗട്ടിന്റെ ടെ സൈഡ് ല് വെച്ചു.
അപ്പോഴേക്കും ഫോണ് പാടുന്നു .
നേരെ എടുത്തു കത്തി വെച്ചു ഒരു കൊലപാതകം ഒക്കെ കഴിഞ്ഞു തിരിച്ചു വന്നപ്പോ പ്ലേറ്റ് കാലി..!!!!
അമ്പട കാക്കേ!!!! ഞാന് തരുന്നതിനു മുന്പേ എല്ലാം എടുത്തോണ്ട് പോയോ . ..?
ഫോണും ബുക്കും എല്ലാം എടുത്തു ഞാന് താഴേക്കിറങ്ങി . അടുക്കളയില് ചെന്ന് നോക്കിയപ്പോള് സ്ഥിതി അതി ദയനീയം .. . അവസാനത്തെ ചപ്പാത്തിയും എടുത്തു വിഴുങ്ങുന്നു പുന്നാര അനിയന് ...... പോരാത്തേന് മൂപ്പരുടെ വക ഒരു ഡയലോഗും
"ഞാന മോളിലേക്ക് വന്നപ്പോ നീ ഫോണിലായിരുന്നു ,കാക്ക കൊത്തിപ്പോവണ്ടാന്നു വിചാരിച് ആ ചപ്പാത്തി ഞാനിങ്ങെടുത്തു കേട്ടോ "
ന്നാലും ന്റെ കാക്കേ......!!!!!!!!!!
No comments:
Post a Comment