Sunday, March 3, 2013

സ്ലോമോഷനില്‍ കടന്നുവരുന്ന സമയങ്ങള്‍




തലച്ചോറിനുള്ളിലേയ്ക്ക് ചൂളംവിളി..
എന്‍റെ അവസാന അഞ്ചുമിനിറ്
റ്പരിശുദ്ധ കാത്തിരിപ്പിന്‍റെ
ചെവിക്കല്ല് പൊട്ടിക്കുന്നു..
വരേണ്ടതിനെക്കാത്ത്
ക്ഷമയുടെ അറ്റത്തിന്‍റെയറ്റം..

നീലയുടുപ്പിട്ട കാപ്പികള്‍ ,ചായകള്‍
പോയവണ്ടിക്ക് പ്രാക്കുന്ന
ഓഫീസുകാരന്മാര്‍ /കാരികള്‍
പെട്ടിക്കൂട്ടങ്ങള്‍ക്കിടയില്‍
വാച്ചിനെ വെറിപിടിപ്പിച്ചുലാത്തലുകള്‍

ചത്ത ഡിസ്പോസിബിള്‍ ഗ്ലാസ്സുകളില്‍
കാക്കകളുടെ ഗ്രൂപ്പുകളി
പ്ലാറ്റ്ഫോംപെങ്കൊച്ചുങ്ങളെ
കണ്ണുകൊണ്ട് ബലാല്‍സംഗിക്കുന്ന
അലവലാതി ഷാജിമാര്‍
പാളത്തിന്‍റെയുടല്‍ വളവുകളില്‍
മണത്തുമണത്ത് കന്നിമാസപ്പട്ടികള്‍

ഹൊ..അവസാനത്തെ അഞ്ചു മിനിറ്റ്..
കാലം തെറ്റിപ്പോലും പെയ്യാത്ത മഴ പോലെ ..

No comments:

Post a Comment